Klima finantzaketari buruzko elkarrizketak bihurtu dira ardatz Azerbaijanen egiten ari den goi bileran. Estatuen jarrerak urrun daude oraindik, eta pausoak emateko eskeak ugaritzen ari dira. Elkarrizketak ostiralean (azaroak 22) dira amaitzekoak.
Ia berrehun estaturen gobernu ordezkariak ari dira adostasunak lortu ezinik. Hasieran jarritako helburua, Lurraren berotzea 1,5 gradura mugatzekoa, urrun geratzen dela dirudi. Eztabaidaren erdian finantzaketa, erregai fosilak alboratzea, karbono merkatuak arautzea, eta abar. Baina herrialde aberatsenak ez datoz bat eskariarekin. Lortuko al dute zerbait?